lunes, 18 de febrero de 2013

Unha oportunidade estupenda... Diálogo con Carmen Avendaño

Unha oportunidade estupenda...

Poñémonos en contacto para presentarche unha oportunidade de diálogo con Carmen Avendaño. O vindeiro martes 19 ás 19:30h estará na Casa de Cultura e Solidariedade (Rúa do Home Santo 47, baixo -preto da estación de buses e da pza Iqbal Masih-). A entrada é libre ata completar aforo.


Carmen Avendaño é a portavoz de "Nais contra a Droga"; é a cara visible dunha experiencia de loita en Galicia nos anos 80 e 90 que cambiou á sociedade e fixo que “Galicia non se convertera en Sicilia”. A loita destas mulleres contra o narcotráfico foi un exemplo que se estendeu noutras comunidades. En ningunha foi como en Galicia. A promoción, a militancia, a loita, o amor... desta experiencia pagan a pena.
Carmen, Fina, Dora, Tonina,... saíron ás rúas para que se fixera xustiza porque os seus fillos estaban desaparecendo e querían denunciar aos asasinos, querían denunciar o negocio da droga. E así, saíndo á rúa, comezaron a espertar a unha sociedade que estaba narcotizada, insensible aos dramáticos efectos da droga. Carmen Avendaño falará de mulleres anónimas que deron un volantazo á súa vida para loitar asociadamente.

Agardamos que sexa do teu interese e que poidas vir acompañado...



Unha aperta,

Cristina.

No hay comentarios:

Publicar un comentario