viernes, 22 de febrero de 2013

Galegos emigrantes



A emigración española aumentou un 21% en 2012, segundo os datos do Instituto Nacional de Estadística. Ata setembro, 54.912 españoles tiveron que emigrar, seguramente a maioría en busca de emprego. Mentres tanto, aquí mantense unha reforma sanitaria que nega a asistencia aos inmigrantes que non obtiveron “papeis”.

Uns e outros son na maioría mozos, que abandonan o país obrigados pola necesidade, e que desexan traballar, poñer en funcionamento as súas capacidades e coñecementos, e recibir un salario para ter unha vida digna. Os emigrantes españois, dos que os galegos son os máis numerosos, escapan dunha sociedade cun 52% de paro xuvenil, nun mundo dominado por multinacionais como ZARA ou MANGO, que deslocalizan a súa producción a países empobrecidos onde pagan miserias.

Os mozos inmigrantes que chegan aquí, por contra, escapan de realidades de fame e guerras, en países tamén dominados por multinacionais mineiras ou enerxéticas, como REPSOL. Cara un lado e outro, persoas, con dignidade e necesidades, vítimas dunha economía en mans de corporacións xigantes.

Ningún deles é ilegal, os seres humanos non somos ilegais. A reforma sanitaria é unha aberración, inmoral e inxusta, e miles de profesionais e tamén de políticos están a esquivala en España. É momento de botala atrás, de avanzar nos Dereitos Humanos, e de asociarse contra a economía salvaxe.  




No hay comentarios:

Publicar un comentario en la entrada