Eleccións sen violencia

Somos todas esas persoas que queren vivir unhas eleccións libres, sen violencia, polo menos, sen máis violencia engadida á que xa vivimos polas inxustizas que sufrimos cada día. Somos todas esas persoas que queremos expresarnos e debater as ideas sen que nos agredan, sen que nos insulten ou destrúan as nosas cousas.

Estas eleccións xa van máis de dez agresións ao partido político Cidadáns na cidade de Compostela. Parece que a policía decidiu estar en todos os seus actos “por seguridade”. Que atraso!!! Non poden expresarse con liberdade sen sufrir violencia.

Manifesto e comigo coido que moitas persoas máis, o lamentable que me parece constatar que a sociedade non poida dialogar e utilice a violencia para impoñerse, para amedrentar, para sementar división. A miña, a nosa, solidariedade coas persoas que sofren estas agresións e continúan a traballar cada día.

Cristina Bandín.

Partido SAIn.